Пажар знішчыў гандлёвы цэнтр у Варшаве
16- 12.05.2024, 19:05
- 22,900
Гандляры кажуць, што страцілі ўсё.
У выніку маштабнага пажару ў гандлёвым цэнтры, размешчаным у варшаўскім раёне Белаленка, згарэла амаль уся гандлёвая плошча з 1400 крамамі і пунктамі абслугоўвання.
Пра гэта інфармуе RMF.
Гандляры аб'екта, якія сабраліся перад уваходам у цэнтр, расказалі журналістам, што страцілі ўсё. Улады ўжо прапанавалі ім дапамогу.
🔥💧Trwa dogaszanie pożaru hali handlowej przy ul. Marywilskiej w Warszawie. W kulminacyjnym momencie w działaniach brało udział 78🚒i 254👨🚒#PSP i #OSP, w tym również podchorążowie z #APoż w ramach centralnego odwodu operacyjnego KSRG.
— Państwowa Straż Pożarna (@KGPSP) May 12, 2024
SGRChem prowadzi pomiary pyłu w atmosferze. pic.twitter.com/jYl3QcpuP7
Пажарная брыгада заявіла, што агнём ахоплена больш за 80% гандлёвага комплексу, і задзейнічалі 50 падраздзяленняў, у тым ліку спецыялістаў хімічнага і экалагічнага выратавання, адзначае AP.
Прадстаўнік паліцыі паведаміў агенцтву PAP, што ніхто не пацярпеў. Улады таксама разаслалі жыхарам Варшавы тэкставае паведамленне з папярэджаннем пра пажар і просьбай заставацца дома з зачыненымі вокнамі.
Гандлёвыя цэнтры і буйныя крамы ў Польшчы звычайна зачыненыя ў нядзелю праз забарону на гандаль, якую наклаў папярэдні ўрад.
Раней паведамлялася, што ў польскай сталіцы Варшаве ў нядзелю, 12 траўня, успыхнуў маштабны пажар у гандлёвым цэнтры.
Паводле паведамлення пажарнай службы, увесь цэнтр быў ахоплены агнём, а будынак поўнасцю знішчаны. Агонь хутка распаўсюджваўся праз лёгказагаральныя матэрыялы, пераважна тэкстыль.
Да моманту прыбыцця пажарных практычна ўвесь будынак цэнтра ўжо быў ахоплены полымем. Дах комплексу таксама часткова абваліўся.