Кася Камоцкая: «Гэта наш шлях»
2- 5.10.2007, 14:45
Вядомая беларуская сьпявачка Кася Камоцкая мяркуе, што толькі супрацоўніцтва з Эўропай выратуе Беларусь ад эканамічнага крызысу, але Лукашэнка ня хоча ісьці на сапраўдны дыялёг з Эўразьвязам, бо дзеля гэтага трэба выканаць прапановы ЭЗ па дэмакратычных пераўтварэньнях у краіне і таму абавязкова пойдзе на Эўрапейскі марш:
«Я абавязкова пайду на Эўрапейскі Марш. Беларусь, і этнічна, і геаграфічна, зьяўляецца частай Эўропы і зараз нам засталося стаць ёю яшчэ і палітычна, Эўрапейскі шлях - гэта наш шлях. Было б добра, каб адбыліся перамовы паміж Эўразьвязам і Беларусьсю, гэта б магло вельмі падтрымаць нашую эканоміку. Але, на мой погляд, хітрасьць Лукашэнкі не мае межаў, ён можа рабіць нейкія дробныя крокі ў кірунку рэформаў, імітаваць нейкія зьмены,але адмаўляцца ад сапраўднага дыялогу з Эўропай.»
