У аэрапорце Менска пасажыраў «бачаць» наскрозь
4- 22.01.2008, 10:57
Персанальны лічбавы рэнтгенаскапічны сканар для надгляду пасажыраў і багажу, дзякуючы якому нават у натуральных поласцях чалавека можна выявіць забароненыя да перавозкі прадметы, усталяваны ў нацыянальным аэрапорту краіны.
"У аэрапорце Менск у канцы 2007 года на трох з чатырох назапашвальнікаў быў усталяваны сучасны персанальны лічбавы рэнтгенаскапічны сканар для надгляду пасажыраў і багажу. Дзякуючы дадзенай усталёўцы, цяпер забароненыя да перавозкі прадметы могуць быць выяўленыя нават у натуральных поласцях чалавека. Ён таксама дазваляе выяўляць не толькі металічныя прадметы, але зброю, вырабленую з керамікі", – паведаміў на прэс-канферэнцыі ў Менску кансультант па авіяцыйнай бяспецы палётаў і авіяцыйнай бяспецы Дэпартамента па авіяцыі Мінтрансу Валянцін Крылоў.
Акрамя таго, для бяспекі палётаў беларускі Нацыянальны аэрапорт "Менск" укараніў сучасную методыку "Профайлінг" па выяўленні "падазроных" пасажыраў, паведаміў Крылоў.
"Дадзеная методыка з'яўляецца свайго роду псіхалагічным тэставаннем. Яна складаецца ва ўжыванні комплексу мераў па працы з пасажырамі: назіранне, гутарка, вывучэнне дакументаў", – сказаў ён.
Па словах кансультанта, бяспека палётаў у Беларусі гарантуецца цэлым комплексам мераў: падрыхтоўка высокакваліфікаванага лётнага складу, пастаянны кантроль тэхнічнага стану паветраных судоў, удасканаленне аэрапортаў Беларусі і закуп сучаснага аэранавігацыйнага абсталявання.
Валянцін Крылоў дадаў, што для гарантавання бяспекі пасажыраў падчас палётаў у Беларусі авіялайнеры часам суправаджаюць супрацоўнікі УУС на транспарце.
