КДБ затрымаў дырэктара гандлёвага цэнтра
14:22, — Крымінал
Супрацоўнікі светлагорскага раённага УКДБ за атрыманне і дачу хабару затрымалі дырэктара ААТ "гандлёвы цэнтр".
Аб гэтым паведамілі "Інтэрфаксу" прадстаўнікі прэс-групы ўпраўлення КДБ Беларусі па Гомельскай вобласці.
"Саракагадовы дырэктар падазраецца ў тым, што за прадастаўленне пасадаў і працяг працоўных дамоваў браў са сваіх падначаленых незаконнае грашовае ўзнагароджанне. Сума хабару вар’іравала ад Br700 тыс. до Br1200 тыс.", - распавёў суразмоўца.
Затрымалі дырэктара пасля таго, як ён за дазвол размясціць у будынку ААТ "Гандлёвы цэнтр" гандлёвай пляцоўкі з парушэннем правілаў пажарнай бяспекі перадаў службовай асобе светлагорскага райаддзелу па надзвычайных сітуацыях Br800 тыс.
"Генеральны дырэктар арыштаваны, арышт накладзены і на ягоную нерухомую маёмасць. Расследаванне вядзе пракуратура Светлагорскага району Гомельскай вобласці", - дадалі ў УКДБ.
Навіны
па тэме
- Кардыёхірург Аляксандр Шкет: «Я кваліфікую сваё абвінавачанне як абгавор»
- Дзяржкантроль справаздаўся: 1,5 тысячы крымінальных справаў за год
- Экс-дырэктар «Жданавічаў» патрапіў у турэмную лякарню з інфарктам
- Экс-старшыня «Белнафтахіму» этапаваны ў Бабруйскую калонію
- Міністэрства спорту ізноў у эпіцэнтры крыміналу
- Наумов: «Вместе с Шигаловым задержаны его заместитель и государственный чиновник»
