Мінстат аспрэчвае Сідорскага
25
9:11, — Эканоміка
Па звестках Міністэрства статыстыкі, сярэдні налічаны заробак у Беларусі ў красавіку склаў 836 тысяч 980 рублёў. Гэта лічба значна менш за тую, якую 10 дзён таму агучыў прэм'ер-міністр.
У часе дакладу Аляксандру Лукашэнку 16 траўня кіраўнік урада заявіў, што на пачатак траўня сярэдняя зарплата ў Беларусі склала 435 даляраў. «Салідарнасць» ужо тады засумнявалася ў гэтым. Рэч у тым, што ў сакавіку 2008 года, па інфармацыі Мінстата, сярэдні заробак склаў 807.846 рублёў, гэта значыць недзе 377 даляраў. Калі верыць Сідорскаму, атрымлівалася, што на працягу красавіка ён узняўся амаль на 60 даляраў. Гэта пры тым, што за ўвесь 2007 год сярэдні заробак павялічыўся толькі на 80 даляраў…
Абгрунтаванасць гэтых сумневаў пацвердзілі апошнія звесткі Мінстата. У красавіку сярэдні налічаны заробак у Беларусі склаў 836 тысяч 980 рублёў. Гэта значыць недзе 391 даляр. Такім чынам, Сідорскі завысіў сярэдні заробак больш чым на 10%.
Трэба адзначыць, што Мінстат дае афіцыйныя лічбы. Рэальны сярэдні заробак у Беларусі яшчэ меншы.
Напісаць каментар (25)
Навіны
па тэме
