Будзь вольным!
1
18:05, — Культура
«Беларуская музычная альтэрнатыва» рыхтуе чарговы буйны рок-фестываль па-за межамі краіны – «Be free!». Фестываль ёсць свайго кшталту працягам мерапрыемства, якое прайшло летась ва ўкраінскім Луцку.
“8-10 жніўня ў Львове адбудзецца фэст “Be free!” – “Будзь вольным!”. Зараз гэты фэст знаходзіцца на падрыхтоўчым этапе, ужо ёсць дазвол львоўскіх уладаў. Фестываль будзе цягнуцца два дні на двух пляцоўках – адна ў парку і адна на рынку, на Цэнтральнай плошчы. Плануецца ўдзел каля 15-20 гуртоў. Гэта яшчэ залежыць ад таго, з якога і да якога часу нам дазволяць гэтыя мерапрыемствы, бо гэта пакуль яшчэ ўзгадняецца”, - паведаміў аадрабязнасці «Нямецкай хвалі» кіраўнік “Беларускай музычнай альтэрнатывы” Віталь Супрановіч.
Арганізатары фестывалю ставяць перад сабою мэты “па-першае, дапамагчы беларускім гуртам, як вядомым, так і маладым, бо фестываляў не вельмі шмат у Беларусі, і нам здаецца, што трэба прапагандаваць беларускую музыку ў бліжэйшых краінах, у першую чаргу, у тых, што мяжуюць з Беларуссю – Польшча, Україна, Літва”, - кажа Супрановіч.
Нагадаем, летась беларускія ўлады імкнуліся перашкодзіць аматарам беларускага року трапіць на фестываль “Права быць вольным”, два аўтобусы з беларускімі гледачамі былі спыненыя ў розных месцах, у выніку чаго больш за сотню меламанаў не змаглі атрымаць асалоду ад выстыпаў сваіх улюбёнцаў. Як гэта будзе сёлета, пакажа час.
