Упершыню за два гады падаражэў цукар
10:38, — Эканоміка
Раздробныя кошты на цукар-пясок у Беларусі з 20 чэрвеня павялічаны ў сярэднім на 5%.
"Пастановай міністэрства эканомікі N124 з 20 чэрвеня 2008 года падвышаюцца ў сярэднім на 5% раздробныя кошты на цукар-пясок", - цытуе Інтэрфакс паведамленне прэс-службы. Раздробны кошт на цукар-пясок на вагу складзе Br1,84 тыс. за кг, на цукар-пясок, фасаваны ў поліэтыленавыя і папяровыя пакеты па 1 кг - Br2 тыс. за кг.
Як патлумачылі ў міністэрстве, дзейныя дагэтуль раздробныя кошты на цукар-пясок не змяняліся з чэрвеня 2006 года. "Рашэнне пра павелічэнне раздробных коштаў на цукар-пясок прынята для паэтапнага кампенсавання падаражэння сельскагаспадарчай сыравіны, паліўна-энергетычных рэсурсаў, паляпшэння фінансавага стану цукраапрацоўных арганізацый, а таксама з улікам кан'юнктуры зняшняга рынка", - дадалі прадстаўнікі Мінэканомікі.
Ініцыяваў падвышэнне коштаў канцэрн "Белдзяржхарчпрам".
