Сьцяг ад Мірона ў гонар Васіля Быкава
10:48, — Палітыка
19 чэрвеня ў гонар дня народзінаў Васіля Быкава над шашой Віцебск-Полацак у раёне пасёлку Кіраўскі залунаў бел-чырвона-белы сьцяг.
Як паведамляе “Радыё Свабода”, сьцяг быў замацаваны на электрычных правадох пад напружаньнем 110 тысяч вольт.
Пра зьяўленьне сьцяга паведаміў віцебскі апазыцыянэр Барыс Хамайда. Ён расказаў, што да нацыянальнага сымбалю была прымацаваная цыдулка: “Да ўгодкаў Васіля Быкава. Дарагі наш беларус, мы выканаем твае запаветы! Жыве Беларусь! Жыве вечна! Мірон”.
Сьцяг быў добра відаць усім кіроўцам, якія ехалі па дарозе. Зьняць яго змаглі толькі раніцай 20 чэрвеня з дапамогай тэхнікі МНС.
