Суд адмовіўся прыцягнуць Мянцюка ў якасці суадказніка па справе аб «жывым шчыце»
10
10:59, — Грамадства
Суд адхіліў хадайніцтва адваката абвінавачаных па справе аб "жывым шчыце" Васіля Тулякова аб прыцягненні ў якасці суадказніка кіроўцы аўтамабіля Volkswagen Рамана Мянцюка, які лічыцца вінаватым у ДТЗ 2 сакавіка пад Менскам.
Таксама адхілена хадайніцтва адваката пацярпелых Веры Страмкоўскай аб выкліку ў якасці сведкі начальніка ДАІ Менска Дзмітрыя Карзюка, паведамляе Інтэрфакс.
Разам з тым суддзя Ірына Майко задаволіла хадайніцтва В.Страмкоўскай аб выкліку ў якасці сведкі начальніка аддзела дарожнага руху ДАІ МУС Юрыя Траяна.
14 сакавіка 2008 года пракуратура завяла крымінальную справу адносна 4 супрацоўнікаў аддзела ДАІ Кастрычніцкага РУУС Менска, якія ўдзельнічалі ў затрыманні п'янага кіроўцы Рамана Мянцюка на трасе "Менск-Мікашэвічы" 2 сакавіка. Крымінальная справа было заведзена па ч. 1 арт. 424 "Злоўжыванне ўладай ці службовымі паўнамоцтвамі" Крымінальнага кодэкса Беларусі.
Р.Мянцюк ехаў з хуткасцю 160 км/г, калі супрацоўнікі ДАІ пачалі пераслед. Каб спыніць машыну з парушальнікам, супрацоўнікі ДАІ Кастрычніцкага раёна Менска выбудавалі загароджу з некалькіх прыватных машын, у якіх былі людзі. Адносна Р.Мянцюка таксама распачата крымінальная справа за кіраванне транспартным сродкам у нецвярозым стане. Ён абвешчаны ў вышук.
Слуханні па справе пачаліся ў чацвер у судзе Менскага раёна і горада Заслаўя, па ёй праходзіць двое абвінавачаных і пяць пацярпелых.
Напісаць каментар (10)
Экспарт
Новости партнеров
