Напярэдадні «выбараў» улады заняліся прыбыткамі правабаронцаў
2
13:09, — Палітыка
У дзень, калі праваабаронцы абвясьцілі аб сваім намеры праводзіць маніторынг маючых адбыцца парламенцкіх выбараў, 12 чэрвеня, на "Першым канале" НДТРК Беларусі быў праанансаваны сюжэт, што ганьбуе гонар і годнасьць вядомых беларускіх праваабаронцаў, які затым быў паказаны ў нядзельнай "Панараме".
На фоне дыскрэдытацыі праваабарончай дзейнасьці дзяржаўнымі СМІ улады ажыцьцяўляюць дэталёвую праверку падатковай гісторыі праваабаронцаў.
За апошнія 10 дзён загады Міністэрства па падатках і зборах аб неабходнасьці падаць дэклярацыі аб прыбытках і маёмасьці атрымалі старшыня БХК Алег Гулак, першы старшыня арганізацыі Тацяна Процька, віцэ-прэзідэнт Міжнароднай Федэрацыі Правоў Чалавека Алесь Бяляцкі, супрацоўнік БХК Зьміцер Маркушэўскі, праваабаронца Валянцін Стэфановіч, а таксама чальцы іх сем'яў, паведамляе сайт Беларускага Хельсінскага камітэту (БХК)
Гэтыя факты даюць падставу лічыць, што дзеяньні ўладаў зьвязаныя з намерам праваабаронцаў праводзіць маніторынг парламенцкіх выбараў.
