Беларускі сьцяг на Савецкай плошчы Гародні лунаў амаль гадзіну (Фота)

Моладзевыя актывісты правялі ў Гародні акцыю, якой яны плануюць распачаць шэраг мерапрыемстваў па байкоту "парлямэнцкіх выбараў".

Прыблізна а 16 гадзіне на Савецкай (Рынкавай) плошчы зарэяў нацыянальны бел-чырвона-белы сьцяг. А крыху пазьней у скверы Жылібера мінакі змаглі ўбачыць партрэты зьніклых палітыкаў.

Моладзевыя актывісты падкрэсьлілі, што байкот – гэта не пасіўнае ігнараваньне выбараў, а актыўны і няспынны працэс інфармаваньня беларускага насельніцтва аб неабходнасьці ўсвядомлена ня йсьці на выбарчыя участкі. Гэта адзіная нашая магчымасьць не даць уладам лічыць галасы так, як яны таго жадаюць.