Кантрабандысты пратаранілі аўтамабіль беларускіх памежнікаў
1
14:29, — Здарэнне
Кантрабандысты спрабавалі схавацца ад беларускіх памежнікаў, пратараніўшы іх аўтамабіль, а таксама прычыніўшы вайскоўцам целавыя пашкоджанні.
Як паведаміў начальнік прэс-цэнтра Дзяржаўнага памежнага камітэта Беларусі Аляксандр Цішчанка, брэсцкія памежнікі, якія працуюць на беларуска-украінскай мяжы, атрымалі інфармацыю аб тым, што зблізку межы адбываецца перагрузка кантрабандных тавараў з мэтай іх наступнай транспартоўкі ў Беларусь.
Аператыўная група выявіла два пазадарожніка без рэгістрацыйных знакаў, якія рухаліся ад мяжы ўглыб беларускай тэрыторыі.
Падчас затрыманняў адзін джып пратараніў памежны ЎАЗ і паспрабаваў схавацца, але беспаспяхова. Затрыманне прайшло без ужывання зброі, паведамляе БелТА.
"Кантрабандыст падчас затрымання аказаў супраціў, у выніку некалькім вайскоўцам кантрактнай службы нанесеныя лёгкія целавыя пашкоджанні, тэхнічныя пашкоджанні атрымаў аўтамабіль памежнікаў", - паведаміў А.Цішчанка ў інтэрв'ю "Інтэрфаксу".
Абодва аўтамабіля прыналежаць грамадзянам Беларусі. У адным з іх выяўлена 104 рулона тканіны.
Кантрабандысты затрыманыя і аформленыя як парушальнікі мяжы. Вырашаецца пытанне аб узбуджэнні крымінальнай справы па факце здзяйснення дзеянняў, якія пагражалі жыццю і здароўю памежнікаў.
