Пад Бабруйскам упаў самалёт. Загінуў лётчык
15:40, — Здарэнне
У Бабруйскім раёне Магілёўскай вобласці ў выніку падзення легкаматорнага самалёта загінуў лётчык-інструктар.
Як паведаміў БелаПАН прэс-сакратар МНС Віталь Навіцкі, трагедыя адбылася 12 ліпеня ў 15.35 у вёсцы Токары Бабруйскага раёна. Самалёт "Вільга 35", прыналежны Бабруйскаму аэраклубу, здзяйсняў вучэбны палёт і падчас заходу на пасадку зваліўся на прыватны падворак. У выніку падзення лётчык загінуў. "Разбурэнняў будынкаў на падворку не было, але адбылося невялікае ўзгаранне", — сказаў В.Навіцкі.
Высвятленнем прычынаў падзення самалёта зоймецца адмыслова створаная камісія.
