Вольга Казуліна: кіраўнік офіса АБСЕ мог абмяркоўваць з Казуліным ягонае вызваленне
1
15:06, — Палітыка
Кіраўнік офіса АБСЕ у Менску Ханс-Йохан Шміт 11 жніўня наведаў у выпраўленчай калоніі "Віцьба-3" Аляксандра Казуліна. Пра што яны казалі падчас сустрэчы — не паведамляецца. Дачка палітвязня Вольга спадзяецца, што гэта звязана з пытаннем вызвалення бацькі.
«Візіт з'явіўся часткай абавязанняў офіса АБСЕ у галіне маніторынгу за развіццём судовых спраў. Офіс АБСЕ з задавальненнем адзначыў, што на запыт аб сустрэчы з Аляксандрам Казуліным быў атрыманы станоўчы адказ з боку дзяржаўнай улады», — піша БелаПАН са спасылкай на прэс-службу офіса АБСЕ.
Больш падрабязнай інфармацыі аб тым, пра што казалі падчас сустрэчы Ханс-Йохан Шміт і Аляксандр Казулін, у афіцыйным паведамленні офіса АБСЕ няма.
— З намі асабіста кіраўнік офіса АБСЕ у Менску не сустракаўся. Так што я не ведаю, што яны абмяркоўвалі. Але спадзяюся, што гэта неяк звязана з пытаннем вызвалення бацькі, — сказала «Салідарнасці» Вольга Казуліна.
Абедзве дачкі палітвязня — Вольга і Юлія — плануюць убачыць бацьку ў апошніх чыслах жніўня. У гэты перыяд часу павіннае адбыцца іх 3-дзённае спатканне.
Нагадаем, 13 ліпеня 2006 года Аляксандра Казуліна прысудзілі да пазбаўлення волі на пяць з паловай гадоў за арганізацыю акцыі пратэсту супраць фальсіфікацыі вынікаў прэзідэнцкіх выбараў.
Навіны
па тэме
- Падаткавікі прэсуюць дачку палітвязня Казуліна
- Глава Офиса ОБСЕ посетил в колонии политзаключенного Козулина
- Казуліна падтрымалі былыя палітвязні: «Ягонае зняцце -- гэта здрада»
- Игорь Рынкевич: «Не та ли это «оппозиция», которая просила Лукашенко не освобождать Козулина?»
- Пакуль Казулін у турме, Ляўковіч паспяшаўся заняць яго месца (Відэа)
- Дачка Казуліна гутарыла з Джорджам Бушам без перакладніка (Фота)
- Аляксандр Казулін: «Лукашэнка паўтарае экспэрымэнт Сталіна»
