У Эстоніі адзначылі Дзень беларускай вайсковай славы
9:32, — Палітыка
У эстонскім горадзе Тарту 8 верасня адбылося святкаванне ўгодак перамогі войскаў Вялікага Княства Літоўскага над войскамі Маскоўскай дзяржавы ў бітве пад Воршай у 1514 годзе.
Як паведаміў БелаПАН студэнт юрыдычнага факультэта Тартускага ўніверсітэта, старшыня Беларускага студэнцкага таварыства ўніверсітэта "Ruthenia Alba" Ігар Случак, урачыстая вечарына была арганізаваная беларускімі студэнтамі, якія навучаюцца ў Эстоніі. Мэта — пазнаёміць сваіх замежных калегаў з адной з ганаровых старонак беларускай гісторыі. У мерапрыемстве, акрамя беларускіх і эстонскіх студэнтаў, прынялі ўдзел маладыя людзі з Грузіі, Фінляндыі, Польшчы і Нямеччыны.
"Прыклад Аршанскай бітвы паказвае, што, калі бітва ідзе за волю і незалежнасць, перамагаць можна, нават калі супернік мацней у некалькі разоў", — лічыць І.Случак.
Па словах студэнта, на 11 верасня ў Тарту запланаваны рок-канцэрт салідарнасці з Беларуссю.
Навіны
па тэме
