Усяго за месяц прыбытак беларускіх банкаў упаў у 15 разоў
7- 21.09.2009, 12:15
Зніжэнне прыбытку ў жніўні ў параўнанні з папярэднім месяцам адбылося больш чым на 76 мільярдаў рублёў.
Прыбытак беларускіх банкаў у жніўні бягучага года знізіўся ў 15 разоў у параўнанні з ліпенем і склаў ўсяго Br5 млрд. супраць Br75.4 млрд. у папярэднім месяцы і Br85.6 млрд. у жніўні мінулага года. Пра гэта, як паведамляе АФН, сведчаць дадзеныя статсправаздачы Нацбанка.
Зніжэнне прыбытку адбылося на фоне зніжэння даходаў банкаў у жніўні ў параўнанні з папярэднім месяцам на Br76.2 млрд. (7,1%) да Br995.4 млрд., пры зніжэнні выдаткаў усяго на Br5,8 млрд. (0,6%) да Br990.4 млрд.
Адсоткавыя даходы знізіліся на 8,7% і склалі Br726.7 млрд., камісійныя даходы павялічыліся на 3,3% да Br165.9 млрд., іншыя банкаўскія даходы ўпалі на 10,8% да Br71.3 млрд., іншыя аперацыйныя даходы знізіліся на 14,5% да Br9.4 млрд.
Адсоткавыя выдаткі выраслі на 0,9% і склалі Br502.8 млрд., камісійныя выдаткі выраслі на 38,8% да Br45.4 млрд., іншыя банкаўскія выдаткі знізіліся на 2,2% да Br45.5 млрд., іншыя аперацыйныя выдаткі выраслі на 4,2% да Br245.2 млрд. Выдаткі на адлічэнні ў рэзерв знізіліся на 17,4% і склалі Br151.4 млрд.
