Беларуская інфляцыя амаль у 10 разоў вышэй за еўрапейскую
2- 24.09.2009, 11:56
Інфляцыя ў Беларусі ў студзені-жніўні 2009 года склала 7,5%, а ў краінах Еўразвяза – у сярэднім 0,8%.
Пры гэтым апярэдзілі нашую краіну па інфляцыі Украіна, дзе рост спажывецкіх коштаў з пачатку года склаў 8,2%, і Расея – 8,1%. Пра гэта сведчыць інфармацыя Расстата, падрыхтаваная на аснове дадзеных Еўрастата і нацыянальных статыстычных службаў, паведамляе АФН.
У Расеі ў жніўні спажывецкія кошты ў сярэднім не змяніліся, а ва Украіне знізіліся на 0,2%.
У жніўні сярод замежных краінаў найбольшы прырост спажывецкіх коштаў у параўнанні з папярэднім месяцам адзначаўся ў Бельгіі (2,1%) і Люксембурзе (1,3%).
У шэрагу дзяржаваў назіралася зніжэнне, найбольш заўважным яно было ў Латвіі, Грэцыі, Вугоршчыне - на 0,5-1,0% у параўнанні з папярэднім месяцам.