Пракаповіч даканаў МВФ
29
9:33, — Эканоміка
Кіраўнік Нацбанка Беларусі доўга даказваў МВФ, што шэфства над калгасамі – гэта «нармальная практыка».
Дыскусія паміж старшынём праўлення Нацыянальнага банка Беларусі і прадстаўнікамі Міжнароднага валютнага фонду пра роль дапаможнай гаспадаркі ва ўстойлівасці фінансавай сістэмы скончылася пераканаўчай перамогай Пятра Пракаповіча, піша газета «Салідарнасць».
Падчас аднаго з першых візітаў місіі МВФ у Беларусь падчас перамоваў гаворка зайшла пра аграрныя дасягненні Нацбанка. Тобок пра яго падшэфныя сельгаспрадпрыемствы.
Апавядаюць, быццам бы пачалося ўсё з таго, што сам Пётр Пракаповіч ненавязліва пацікавіўся: ці ёсць у Міжнароднага валютнага фонда дапаможная гаспадарка? Эмвээфаўцы гэтага пытання папросту не зразумелі. Тады Пракаповіч з гонарам распавёў «місіянерам, якія адарваліся ад зямлі і жыцця», што паводле рашэння вярхоўнай улады за Нацбанкам замацаваны дзесятак сельгаспрадпрыемстваў, што спецыялізуюцца, галоўным чынам, на вытворчасці мяса і малака.
Аднак сама гутарка пра сельгаспрадпрыемствы дакладна была і кінула чальцоў місіі, якія дагэтуль крыху інакш уяўлялі сабе функцыі Нацбанка, у культурны шок. У гэты момант «стэнд-бай» сказаў бы Беларусі «бай-бай», калі б палітычнае рашэнне аб пачатку праграмы да таго моманту не было ўжо прынятае. Але ў сваёй рэкамендацыі місія не прамінула ўключыць настойлівае пажаданне Нацбанку без асаблівай затрымкі пазбавіцца ад непрофільных актываў.
Аднак Пракаповіч не здаўся. Ён нястомна даказваў Міжнароднаму валютнаму фонду, што шэфства над калгасамі – гэта нармаьная практыка для Нацыянальнага банка.
Доўга працягвалася гэтая спрэчка. І вось, у выніку МВФ вырашыў, што, чым бы дзіцё не цешылася, абы эмісіяй у асабліва буйных памерах не займалася.
Як паведаміў днямі Пётр Пракаповіч, у Нацбанка атрымалася дамовіцца з фондам, што вышэйзгаданыя сельгаспрадпрыемствы будуць прададзеныя праз два-чатыры гады. Маўляў, патрэбны час, каб давесці іх да розуму і зрабіць прывабнымі для інвестараў.
«Праз два-чатыры гады» у нашай сітуацыі – гэта раўназначна «ніколі». За гэты час можа здарыцца столькі ўсяго рознага (уключаючы згортванне супрацоўніцтва Беларусі і МВФ), што пра абавязальніцтвы прадаць нацбанкаўскія сельгаспрадпрыемствы ў 2014 годзе, хутчэй за ўсё, ніхто ўжо не ўзгадае.
Так што, Пётр Пракаповіч без малачка з падшэфнага калгасу ў бліжэйшай будучыні не застанецца. І, дарэчы, ці не час паставіць перад ім больш амбітную задачу? Калі ўжо МВФ працуе ў Беларусі, чаму б яму не ўзяць на баланс хаця б парачку адсталых калгасаў? Несумненна Пракаповіч з уласцівым яму дарам пераканання цалкам здольны давесці чарговай місіі, што Фонду ад гэтага будзе толькі лепш…
Напісаць каментар (29)
Навіны
па тэме
- Нацбанк прызнаўся: Знешні доўг дасягнуў рэкорднай лічбы
- Нацбанк еще больше ограничил валютные операции
- Прокопович: Мы продадим и «БПС-банк», и «Белинвестбанк»
- Беларусь не обеспечила согласованный с МВФ прогноз по чистым международным резервам
- МВФ восстановил должность постоянного представителя в Беларуси
Закладкі
