У Берасці п'яны інспектар ДАІ пераехаў веласіпедыста

Больш за тое, міліцыянт кінуў 17-гадовага хлопца паміраць, паспрабаваў знікнуць з месца здарэння.

Узбуджаная крымінальная справа ў дачыненні да інспектара ДПС ДАІ УУС Берасцейскага аблвыканкама, які, будучы п'яным за рулём аўтамабіля, збіў насмерць 17-гадовага хлопца, перадае «Штодзённік».

Дарожна-транспартнае здарэнне адбылося ўначы 27 чэрвеня. Інспектар ДПС ДАІ УУС Берасцейскага аблвыканкама старшы лейтэнант Фёдар Аніськевіч ехаў на аўтамашыне «Аўдзі», якая належыць яго сяброўцы. Інспектар ДПС, які павінен сачыць, каб кіроўцы не парушалі правілы дарожнага руху і не садзіліся выпіўшымі за руль, сам знаходзіўся ў ладным падпітку. У яго крыві пазней знайшлі 1,1 праміле алкаголю. Зрэшты, аб маральным абліччы супрацоўніка ДАІ сведчыць не толькі дадзены факт.

Недалёка ад вёскі Шчагілікі Жабінкаўскага раёна ён збіў 17-гадовага хлопца, які ехаў на веласіпедзе. Хлопец правілаў не парушаў, ды да таго ж быў пазначаны святлоадбівальнымі элементамі, але гэта яго не выратавала. Прыблізна за 15 хвілін да поўначы п'яны супрацоўнік ДАІ збіў яго і кінуў паміраць, паспрабавашы знікнуць з месца здарэння. Парушальніка хутка знайшлі і затрымалі, а хлопца даставілі ў шпіталь, дзе ён раніцай і памёр ад чэрапна-мазгавой траўмы.

Як растлумачылі «Штодзённіку» ў пракуратуры Брэсцкай вобласці, па факце ДТЗ са смяротным зыходам у дачыненні да інспектара ДПС ДАІ ўзбуджаная дзве крымінальныя справы - па ч. 2 арт.317 (парушэнне правілаў дарожнага руху або эксплуатацыі транспартных сродкаў, якое пацягнула па неасцярожнасці смерць чалавека) і па ч.3 арт.159 (загадзя пакіданне ў небяспецы, здзейсненае асобай, якое само па неасцярожнасці ці з ускосным намерам паставіла пацярпелага ў небяспечнае для жыцця або здароўя стан). Расследаванне праводзіць УУС Брэсцкага аблвыканкама.