Візавыя санкцыі пашыраныя

Рашэнне пашырыць спіс беларускіх чыноўнікаў, якім забаронены ўезд на тэрыторыю краін Еўразвяза, прынятае на пасяджэнні Саўміна ЕЗ у Люксембургу.

Афіцыйна рашэнне пакуль не абвешчанае - аб ім, са спасылкай на ўласныя крыніцы, паведамляе Франс Прэс.

Па дадзеных інфармагенцтва, кіраўнікі дыпламатычных ведамстваў ЕЗ узгаднілі рашэнне аб увядзенні для афіцыйных прадстаўнікоў Беларусі і Ірана, імёны якіх пакуль не называюцца, забароны на ўезд у краіны Еўразвяза. Акрамя таго, будуць замарожаныя і актывы дадзеных асоб на тэрыторыі ЕЗ.

Як паведамляе радыёстанцыя ВПС, міністр замежных справаў Нідэрландаў Уры Разентал заявіў: «Лукашэнка варта зразумець, што ён павінен вызваліць усіх палітычных зняволеных. Калі ён не выме урокаў з мяккіх мер, рушаць услед жорсткія, у тым ліку, пашырэнне і ўзмацненне жорсткасці санкцый».

Нагадаем, 7 кастрычніка польскае інфармагенцтва РАР паведаміла аб тым, што Еўразвяз плануе пашырыць санкцыі ў дачыненні да яшчэ 16-ці беларускіх чыноўнікаў, і гэтае рашэнне можа быць прынятае 10 кастрычніка ў Люксембургу.

Санкцыі ў дачыненні да беларускіх уладаў Рада ЕЗ увяла ў студзені 2011 года ў адказ на жорсткі разгон дэманстрацыі пасля прэзідэнцкіх выбараў 19 снежня 2010 года ў Менску. Зараз у спісе чыноўнікаў, якім забаронены ўезд на тэрыторыю ЕЗ, - 192 прозвішчы.

21 верасня МЗС Літвы ініцыяваў ўключэнне 18-ці беларускіх чыноўнікаў у спіс асобаў, якім забаронены ўезд у Літву і заклікала іншыя краіны Еўразвяза ўключыць іх у свае нацыянальныя спісы неўязных.