Магілёў: Лабачову – 7 сутак, Нягаціну – 5 сутак
6- 8.02.2011, 16:27
8 лютага ў судзе Ленінскага раёна горада Магілёва разглядаліся адміністратыўная справа Валянціна Лабачова, Сяргея Нягаціна і Наталлі Шкадун.
Пратаколы на грамадскіх актывістаў былі складзены за акцыю салідарнасці з сем’ямі зніклых, праведзеную ў горадзе 16 студзеня, паведамляе ПЦ "Вясна".
Суддзя Кужалева Галіна Аляксандраўна вынесла прысуд па гэтай адміністратыўнай справе: Валянціну Лабачову – 7 сутак арышта, Сяргею Нягаціну – 5 сутак арышта. Наталлі Шкадун суддзя вынесла папярэджанне, улічваючы, што жанчына мае чатырох непаўнагадовых дзяцей і першы раз затрыманая за ўдзел у несанкцыянаванай акцыі.
Паводле заканадаўства, на абскарджанне прысуду В.Лабачоў і С.Нягацін маюць 5 дзён, Н.Шкадун – 10 дзён.
