РАР: Еўразвяз гатовы спрасціць візавы рэжым для беларусаў

Краіны ЕЗ ўпаўнаважылі Еўракамісію пачаць перамовы з Беларуссю па спрашчэнні візавага рэжыму і рэадмісіі.

Згодна з планам, спрашчэнне візавага рэжыму не распаўсюдзіцца на ўладальнікаў дыпламатычных і службовых пашпартоў, а таксама на асоб, на якіх распаўсюдзіліся санкцыі, уведзеныя ЕЗ у студзені 2011 года. Польскі дыпламат на ўмовах ананімнасці сказаў у інтэрв'ю польскаму агенцтва РАР, што ініцыятыва закліканая палегчыць наведванне краін ЕЗ прадстаўнікамі беларускага грамадства.

Перамовы носяць тэхнічны характар і не патрабуюць вышэйшага, міністэрскага ўзроўню. У той жа час, суразмоўца агенцтва не выключае, што гэтая ідэя можа апынуцца «мёртвай», гэта значыць усяго толькі палітычнай прапановай Бруселя Менску да тых часоў, пакуль сітуацыя ў Беларусі не зменіцца.

Як раней паведамляла ІА REGNUM, 31 студзеня, у адказ на рэпрэсіі ў дачыненні да беларускай апазіцыі ЕЗ увёў візавыя санкцыі супраць прадстаўнікоў уладаў у Менску. Сейм Польшчы вітаў санкцыі і адначасова заклікаў парламенты краін Еўропы ажыццявіць крокі, накіраваныя на падтрымку грамадзянскай супольнасці Беларусі. Адзначым, што Польшча адмяніла плату, што спаганялася раней за выдачу нацыянальных, доўгатэрміновых віз у Польшчу. Эстонія і Латвія таксама адмянілі гэты від збору.