Слуцкі райвыканкам папярэджвае: палітвязняў у Беларусі няма
24- 1.03.2011, 17:12
Слуцкі райвыканкам адмовіў актывістам кампаніі «Гавары праўду» у правядзенні пікету салідарнасці з палітвязнямі, паколькі, як гаворыцца ў адмове, «палітвязняў у Беларусі няма».
«У сувязі з заяўленай мэтай мерапрыемства райвыканкам вымушаны вас папярэдзіць, што палітычных зняволеных у Беларусі няма», - гаворыцца ў адказе, які падпісаў старшыня Уладзімір Даманеўскі, перадае «Радыё Свабода».
Нягледзячы на гэта, у Слуцку, Жодзіна, іншых гарадах працягваюцца акцыі салідарнасці з арыштаванымі і абвінавачанымі за падзеі 19 снежня.
