Канфіскаваную тэхніку вярнулі паламанай
10- 16.03.2011, 9:43
Кіраўніку Асацыяцыі малога і сярэдняга прадпрымальніцтва, эканаміст Сяргею Балыкіну вярнулі канфіскаваныя ў мінулым годзе аргтэхніку і сродкі сувязі.
«Радыё Свабода» нагадвае, што ператрус прайшоў у ноч на 27 снежня 2010 года, мэтай яго ў пратаколе значыўся «пошук выбуховых рэчываў і прылад» ў межах крымінальнай справы аб выбуху ў Менску 4 ліпеня 2008 года:
«Вярнулі канфіскаваную аргтэхніку: гэта мой ноўтбук «Самсунг», тры мабільныя тэлефоны «Нокіа» і адзін мабільны тэлефон «Хуавэй». А таксама носьбіты інфармацыі - дзьве флэшкі».
Аднак, па словах Балыкіна, вернутая тэхніка апынулася пашкоджанай, у прыватнасці, сапсаваныя акумулятарныя батарэі тэлефонаў.
Сяргей Балыкін мае намер абскардзіць дзеянні праваахоўных органаў.
