Віктар Шалкевіч прадставіць у Менску сваю першую кнігу прозы
3- 2.04.2011, 12:23
У Палацы культуры Менскага аўтазавода 2 красавіка пры падтрымцы Польскага інстытута ў Менску пройдзе канцэрт-прэзентацыя першай кнігі прозы беларускага барда Віктара Шалкевіча.
Дэбютная кніга Шалкевіча атрымала назву «Requiem па непатрэбных рэчах» («Requiem по ненужным вещам»). Гэта кніга ўспамінаў, ілюстраваная здымкамі з прыватнага архіву аўтара. Кніга складаецца з 22 невялікіх эсэ, прысвечаных непатрэбным рэчам, якія знаходзяцца побач, але развітвацца з імі шкада, таму што яны занадта шмат значаць.
Як паведамілі БелаПАН арганізатары канцэрта, канцэрт будзе складацца з кампазіцый, якія аўтар чуў у дзяцінстве, якія перадаюць атмасферу 1960-х - 1970-х гадоў. У праграму ўвайшлі як польскія, расейскія кампазіцыі таго часу, так і аўтарскія песні Шалкевіча.
Акрамя таго, у ходзе выступлення Шалкевіч плануе прачытаць некалькі апавяданняў са сваёй новай кнігі, прысвечанай Гародні, дзе жыве аўтар.