У беларускіх спецслужбаў гестапаўскія метады
84
12:11, — Палітыка
Спецслужбы схапілі актывіста «Еўрапейскай Беларусі» Андрэя Моўчана ў пад'ездзе і прыкавалі да батарэі кайданкамі.
Аблава на актывістаў грамадзянскай кампаніі «Еўрапейская Беларусь», якая пачалася ўчора раніцай, працягнулася бліжэй да вечара. У Менску ў другі раз за дзень быў затрыманы Андрэй Моўчан. Пасля ператрусу ў 7 гадзін раніцы, затрымання і допыту ў Маскоўскім РУУС у якасці сведкі па справе аб падпале Дома правасуддзя Андрэя і яшчэ двух актывістаў адпусцілі. Праз некаторы час хлопец паехаў да свайго сябра Аляксандра Валанцэвіча, але таго не было дома. Затое ў пад'ездзе чакала засада з шасці супрацоўнікаў спецслужбаў, перадае ПЦ «Вясна».
Як стала вядома праваабаронцам, Андрэя Моўчана схапілі, прыкавалі да батарэі кайданкамі і сталі дапытвацца, дзе цяпер ягоны сябар Аляксандр Валанцэвіч. Малады чалавек адказаў, што не ведае. У яго забралі пашпарт і сотавы тэлефон. Людзі ў цывільным пагражалі, што кінуць актывіста ў багажнік і адвязуць туды, дзе даб'юцца патрэбных прызнанняў.
Пасля лаянкі і пагрозаў «ахоўнікаў парадку» на шум выбегла суседка і далучылася да абразаў у адрас хлопца, стаўшы на бок спецслужбаў. Калі жанчына сышла, Андрэю сказалі: «Цяпер, калі нешта здарыцца з суседкай, мы ўжо ведаем, хто сядзе».
Потым хлопца адпусцілі, але вернуты яму тэлефон апынуўся цалкам заблакаваны. Пра інцыдэнт паведамілі ягоныя сваякі, якія зараз асцерагаюцца правакацый - як супраць самога Андрэя, так і супраць іншых прыхільнікаў «Еўрапейскай Беларусі».
Па іхніх словах, яшчэ адным актуальным пытаннем для спецслужбаў стала пытанне «Хто распавёў аб усім журналістам?» - яго таксама задавалі прыкаванаму кайданкамі Андрэю Моўчану.
Тым часам, як паведамляе прэс-служба «Еўрапейскай Беларусі», кватэра Аляксандра Валанцэвіча была ўскрытая без прысутнасці гаспадара, праводзіўся ператрус, рэчы валяліся ў беспарадку. Андрэй Моўчан налічыў у кватэры 6 чалавек. Двое з іх, на думку актывіста, былі з КДБ. Кватэру апячаталі.
Каардынатарам «Еўрапейскай Беларусі» з'яўляецца асуджаны на 5 гадоў турмы кандыдат у прэзідэнты Андрэй Саннікаў.
Напісаць каментар (84)
Навіны
па тэме
- Обыски у активистов «Европейской Беларуси» продолжаются
- Аблава на актывістаў «Еўрапейскай Беларусі»
- «Хапун» працягваецца: Максіма Вінярскага арыштавалі на 15 сутак
- Актывістаў «Еўрапейскай Беларусі» падазраюць у падпале Дома правасуддзя?
Экспарт
Новости партнеров
