Зміцера Бандарэнку адвезлі ў турму
61
17:40, — Палітыка
(абноўлена) Медыкі настойваюць, што палітвязню неабходныя як мінімум паўгады рэабілітацыі.
Сёння каардынатара грамадзянскай кампаніі «Еўрапейская Беларусь» Зміцера Бандарэнку пасля складанай нейрахірургічнай аперацыі на хрыбетніку (яму выразалі двухбаковую грыжу міжхрыбетнікавага дыска) выпісалі з 5-й лякарні Менска і павезлі ізноў у СІЗА МУС на Валадарскага.
Пра гэта сайту charter97.org паведаміла жонка палітвязня Вольга Бандарэнка.
«Я была спакойная, пакуль Зміцер знаходзіўся ў 5-й лякарні, радавалася кожнаму дню аднаўлення, але цяпер я ізноўку ў роспачы, моцна перажываю. Усе вакол гавораць толькі адно - патрэбна сур'ёзная доўгая рэабілітацыя. Цяпер пакуль невядома, куды менавіта Зміцера адправілі. Я спадзяюся, што ў турэмны шпіталь, а не ў камеру. Але потым усё роўна перасылка і калонія. А Зміцеру ж патрэбна як мінімум паўгады рэабілітацыі. Калі гэтага не будзе, то лекар сказаў, што ён будзе пакутваць на хранічны боль, не адновіцца правая нага, усё будзе нават горш», - кажа Вольга Бандарэнка.
Турэмная адміністрацыя запэўнівала жанчыну, што палітвязня забяруць з 5-й клінічнай лякарні прыкладна а 16-й гадзіне. «Але як толькі я з'ехала па справах, яны адразу ж забралі Зміцера», - кажа Вольга.
«Я бачыла, як у следчы ізалятар заехаў мікрааўтобус, у якім сядзела начальніца неўралагічнага аддзялення турэмнай лякарні, і хоць вокны былі прыцемненымі, я ўпэўненая, што Зміцер быў там», - распавяла Белсату жонка зняволенага Вольга Бандарэнка.
На днях палітвязень перадаў заяву начальніку СІЗА з просьбай у сувязі з адбыццём траціны тэрміну замяніць пакаранне ў выглядзе пазбаўлення волі на больш мяккае. Па словах жонкі Бандарэнкі, ён не вельмі спадзяецца на такое рашэнне ўладаў, але па законе мае права пісаць такую заяву.
Вольга Бандарэнка прыводзіць вытрымкі з апошняга ліста Зміцера:
«Папрасіў лекара па лячэбнай фізкультуры даць мне комплекс практыкаванняў для рэабілітацыі стоячы. Яна як ўзняла шум: «Якое стоячы! Вы розум страцілі Толькі лежачы на працягу некалькіх месяцаў!». Я кажу, што мяне праз тыдзень у «зону» могуць павезці і там стоячы толькі можна займацца. Яна: «Запомніце, толькі лежачы, ніякіх практыкаванняў стоячы». Я кажу: там «зона» і гэтак далей. Яна так расхваляваліся: «Вам мінімум паўгода патрэбная паступовая сур'ёзная рэабілітацыя!». Як бы нічога новага. Я жыву адным днём. Як будзе - значыць, так і трэба».
Напісаць каментар (61)
Навіны
па тэме
- Дмитрий Бондаренко: «Гуманизм» может закончиться
- Вольга Бандарэнка: Зміцер рады ўсім, хто выходзіць на волю
- Не участвуйте в спектакле бесчеловечности и жестокости!
- Зміцер Бандарэнка напісаў ліст Чулпан Хаматавай
- Ольга Бондаренко встретилась с мужем
- «Европейская Беларусь»: Не дайте убить героя (Фото)
- МВД: В тюрьме есть все условия для реабилитации Бондаренко
- Бандарэнку адразу пасля аперацыі могуць вярнуць у турму
Экспарт
Новости партнеров
