Харваты прагаласавалі за ўступленне ў Еўразвяз
8
10:21, — Еўропа
Жыхары Харватыі на рэферэндуме па пытанні аб уступленні ў Еўрапейскі звяз (ЕЗ) прагаласавалі за далучэнне да гэтай арганізацыі ў 2013 годзе.
Па выніках апрацоўкі 25% бюлетэняў 67% грамадзян краіны, якія прынялі ўдзел у галасаванні, падтрымліваюць гэтую ініцыятыву, перадае Reuters.
Урад Харватыі лічыць, што ўступленне ў ЕЗ - адзіная магчымасць выратавання для краіны, узровень беспрацоўя ў якой складае 17%, а дэфіцыт бюджэту - 6,2%.
«Калі рэферэндум пройдзе паспяхова, значыць, нам пашанцавала, - заяўля лараней міністр замежных спраў краіны Весна Пусіч. - Калі не, то наперадзе ў нас будзе мноства цяжкасцяў».
Харватыя і ЕЗ падпісалі дамову аб уступленні краіны ў склад арганізацыі 9 снежня 2011 года. Еўрапейскі парламент на пленарным паседжэнні 1 снежня 2011 года ўхваліў уступленне Харватыі ў Еўразвяз. За адпаведнае рашэнне прагаласавалі 564 дэпутаты, супраць выступілі 38, 32 устрымаліся. Дамова павінная быць ратыфікаваная ўсімі 27 дзяржавамі - сябрамі Еўразвяза. Чакаецца, што Харватыя стане 28-м сябрам ЕЗ з 1 ліпеня 2013 года.
Навіны
па тэме
Экспарт
Новости партнеров
