Збой у сетцы менскіх банкаматаў
11- 15.10.2012, 15:45
Менчукі скардзяцца на праблемы з шэрагам менскіх банкаматаў.
Уладальнікі пластыкавых картак не маглі здымаць наяўныя грошы, ажыццяўляць плацяжы і праглядаць стан свайго рахунку, піша TUT.BY.
Праблема назіраецца як мінімум з 13.30. Карэспандэнт праверыў працаздольнасць, сваёй карткі ў банкаматах, размешчаных у раёне станцыі метро «Плошча Якуба Коласа».
«Дадзеная аперацыя для вас забаронена», - паведаміў банкамат «Тэхнабанка» пры спробе адлюстраваць колькасць сродкаў, якія знаходзяцца на рахунку.
Аналагічныя па сэнсе пасланні прадэманстравалі банкаматы БПС-Ашчадбанка і банка Масква-Менск. Трымальнікі пластыкавых картак вышэйназваных банкаў, а таксама Альфа-банка, якія стаялі ў чарзе, таксама не змаглі правесці ніякіх аперацый.
«Мы таксама абышлі некалькі банкаматаў за апошнія паўгадзіны і нідзе не змаглі зняць грошы», - развяла рукамі маладая пара.
За тлумачэннямі журналісты звярнуліся ў колл-цэнтр «Альфа-банка».
«Толькі што нам паведамілі, што ў Белзнешэканамбанку сёння раніцай змянялася праграмнае забеспячэнне. У сувязі з гэтым маглі паўстаць праблемы з банкаматамі, звязанымі з ім у адзіную сетку. Некалькі нашых кліентаў ужо звярнуліся да нас з гэтай нагоды. Але, па наяўных зараз дадзеных, праблема ўжо вырашана», - адказаў прадстаўнік Альфа-банка.