28 сакавiка 2024, Чацвер, 23:37
Падтрымайце
сайт
Сім сім,
Хартыя 97!
Рубрыкі

Дэпутат Бундэстага: Супрацоўніцтва з Менскам працягваецца

19
Дэпутат Бундэстага: Супрацоўніцтва з Менскам працягваецца

Нямецкія левыя патрабуюць спыніць супрацоўніцтва з усімі краінамі, дзе парушаюцца правы чалавека.

Пасля скандалу ў СМІ вакол супрацоўніцтва паміж сілавікамі Германіі і Беларусі федэральны ўрад ФРГ адмовіўся ад дэбатаў аб супрацоўніцтве з аўтарытарнымі рэжымамі, піша берлінскае выданне Tagesspiegel, спасылаючыся на адказ статс-сакратара МУС ФРГ Оле Шродэра дэпутату Бундэстага ад партыі левых Яну Кортэ.

У сваім афіцыйным запыце каардынатар партыі па ўнутраных пытаннях пацікавіўся асаблівасцямі супрацоўніцтва Германіі з антыдэмакратычнымі, аўтарытарнымі і таталітарнымі рэжымамі, якія не адпавядаюць заходнім стандартам, паведамляе «Радыё Свабода».

Тым часам іншы прадстаўнік левай парламенцкай апазіцыі ФРГ Андрэй Хунко ў сваёй заяве, апублікаванай нямецкімі СМІ, звяртае ўвагу: хоць супрацоўніцтва з сілавікамі Беларусі фармальна і спынена, фактычна яно працягваецца. З 2009 года Беларусь мае статус назіральніка ў праграме памежнай бяспекі Еўразвяза FRONTEX. Такія цесныя сувязі еўрапейцаў з беларускімі ўладамі ў рамках міграцыйнай палітыкі даюць нямецкім і беларускім сілавікам магчымасць актыўна абменьвацца звесткамі аб нелегальных мігрантах. Гэта можа спрыяць дэпартацыі ў Беларусь палітычных бежанцаў.

Нямецкія левыя патрабуюць ад федэральнага ўрада спыніць супрацоўніцтва з усімі краінамі, у якіх сістэматычна парушаюцца правы чалавека, душыцца апазіцыя і меншасці. Яны лічаць, што супрацоўніцтва з замежнай паліцыяй павінна ў будучыні праходзіць пад пільным кантролем Бундэстага.

Напісаць каментар 19

Таксама сачыце за акаўнтамі Charter97.org у сацыяльных сетках