Стрэлкі гадзіннікаў пераводзіць не будуць

Беларусь не будзе пераходзіць на зімовы час 28 кастрычніка, стрэлкі гадзіннікаў у гэты дзень у краіне пераводзіцца не будуць.

У адпаведнасці з пастановай Савета міністраў ад 15 верасня 2011 года № 1229 на тэрыторыі нашай краіны перавод стрэлак на сезонны час (вясной і восенню) не ажыццяўляецца, піша БелаПАН.

«Дадзенае рашэнне аб адмене штогадовага пераводу гадзіннікавай стрэлкі ў апошнюю нядзелю сакавіка на адну гадзіну наперад і ў апошнюю нядзелю кастрычніка на адну гадзіну назад было прынята з мэтай узгодненага з дзяржавамі - удзельнікамі Мытнага саюза вылічэння часу», - растлумачылі ў Дзяржстандарце.

У сапраўдны момант пытанне аб вяртанні да сезоннага пераводу стрэлак гадзін у Беларусі не разглядаецца.

Нагадаем, Беларусь следам за Расеяй прыняла рашэнне не пераходзіць больш на зімовы час, пачынаючы з восені 2011 года, пакінуўшы на сваёй тэрыторыі летні час назусім. Такім чынам, час у Беларусі, якая знаходзіцца ў адным гадзінным поясе з Украінай, Літвой і шэрагам іншых краін, з лістапада па сакавік адрозніваецца ад часу ў гэтых краінах на адну гадзіну.

Разам з тым некаторыя спецыялісты сцвярджалі, што Расея і Беларусь адмянілі не той час. Варта было адмяніць як раз летні час, які для чалавека не з'яўляецца фізіялагічным і быў уведзены штучна для эканоміі энергарэсурсаў. Зімовы жа час у многіх краінах супадае са стандартным астранамічным. Краіны, якія не пераводзяць стрэлкі гадзіннікаў або адмовіліся ад пераходу, не выкарыстоўваюць як раз летні час.