Жыхароў Брэста на ноч пакінулі без ацяплення

У Брэсце з-за аварыі ў цеплавых сетках каля дзесяці гадзін заставаліся без ацяплення 12 будынкаў.

У іх ліку шэсць адміністрацыйных і столькі ж пяціпавярховых жылых дамоў.

Як паведаміў БелаПАН прэс-сакратар Брэсцкага абласнога ўпраўлення МНС Сяргей Машноў, інфармацыя аб аварыі ў цеплавых сетках на вуліцы Маякоўскага паступіла ў службу па НС 29 кастрычніка ў 20.15.

У аднаўленчых работах былі задзейнічаны сілы і сродкі філіяла РУП «Брэстэнерга» Брэсцкія цеплавыя сеткі: майстэрня, два зварачных апарата, адзін экскаватар і 8 работнікаў.

Аварыя ліквідаваная 30 кастрычніка ў 5.50.