Палкоўнік КДБ быў забіты?
227
17:33, — Палітыка
Паступаюць новыя пацверджанні аб НЗ у цэнтральным апараце КДБ.
Як паведаміла некалькі дзён таму крыніца charter97.org, адзін з былых кіраўнікоў УКДБ па Менску і Менскай вобласці пакончыў з сабой. Нібыта афіцэр застрэліўся з паляўнічай стрэльбы. Крыніца называла і чын афіцэра - палкоўнік, аднак мы памылкова выказалі здагадку, што гаворка ідзе пра начальніка Інстытута нацыянальнай бяспекі КДБ Ігара Кузняцова.
Праз гадзіну прэс-служба КДБ абвергла гэтае паведамленне, аднак крыніцы тэлеканала «Белсат» пацвердзілі, што застрэліўся палкоўнік (прозвішча не называлася), які кіраваў упраўленнем КДБ па Менску і Менскай вобласці ў пачатку 2000-х гадоў. У апошні час ён працаваў у цэнтральным апараце Камітэта.
Нам удалося даведацца аб падрабязнасцях здарэння. Крыніца charter97.org сцвярджае, што гаворка ідзе пра палкоўніка Казака. Больш за тое, па нашай інфармацыі, палкоўнік не застрэліўся, а быў забіты ў сябе дома на мінулым тыдні.
Афіцэр адказваў за эканамічны напрамак (адвядзенне зямель пад продаж, прыватызацыю і іншыя эканамічныя справы). У яго засталіся двое дзяцей.
Крыніца таксама паведаміла аб тым, што палкоўнік жыў у двухузроўневай кватэры ў элітным мікрараёне за Нацбібліятэкай. У яго таксама быў катэдж у Бараўлянах коштам $1,5 млн.
На думку суразмоўцы, «ідзе барацьба паміж канкуруючымі кланамі спецслужбаў. Гэта толькі пачатак, адбіўся крызіс, пачынаюць паміж сабою дзяліць рынак».
Напісаць каментар (227)
Навіны
па тэме
- Былы начальнік менскага КДБ усё ж застрэліўся
- КДБ аспрэчвае самагубства генерал-маёра
- Застрэліўся былы кіраўнік менскага КДБ?
Экспарт
Новости партнеров
