Беларус паспрачаўся, што пройдзе 25 кіламетраў па марозе ў тапках

І апынуўся ў лякарні з абмаражэннем пальцаў нагі.

Кур'ёзны выпадак адбыўся ў Баранавіцкім раёне. 37-гадовы жыхар мястэчка Гарадзішча паспрачаўся са знаёмым, што зможа прайсці ў тапках 25 км - з Гарадзішча да Баранавічаў.

Але дайсці да фінішу мужчына так і не змог, бо змерз, піша intex-press.by.

У лякарню яго даставілі з абмаражэннем пальцаў ступні 2-й і 3-й ступені. Пакуль невядома, ці быў мужчына п'яны і праз колькі кіламетраў ён сышоў з дыстанцыі.

Дарэчы, у Менску ад маразоў пацярпелі больш за 30 чалавек.