У Брэсце зноў даражэюць маршруткі

З 11 лютага павышаецца кошт праезду ў маршрутных таксі Брэста.

Цяпер адна паездка будзе каштаваць пасажыру 3000 рублёў, піша regiony.by.

Такое рашэнне прынятае днямі агульным сходам уладальнікаў гэтага віду транспарту. Такім чынам, цяперашні тарыф (2500 руб.) праіснаваў крыху больш за тры месяцы. Што тычыцца праезду ў аўтобусах і тралейбусах, то ягоны кошт пакуль застаецца на ранейшым узроўні.

Нагадаем, 8 снежня падняўся праезд і ў сталічных маршрутных таксі.