ДАІ ўводзіць хуткасныя абмежаванні на аўтадарозе М1/Е30
4
13:46, — Аўто
У сувязі са складанымі ўмовамі надвор'я абмежаванні ўведзеныя на васьмі ўчастках МКАД, а таксама на аўтадарозе М1/Е30 Брэст - Менск - мяжа Расеі.
Пра гэта паведамілі ва ўпраўленні ДАІ МУС, перадае БелаПАН.
Аб новых хуткасных рэжымах інфармуюць выстаўленыя часовыя забараняльныя знакі абмежавання максімальнай хуткасці руху.
План «Надвор'е» рэалізуецца ў Менскай, Віцебскай і Магілёўскай абласцях.
Паводле звестак УДАІ МУС, за мінулыя суткі на дарогах краіны зарэгістравана 355 ДТЗ з матэрыяльным уронам. У сямі дарожна-транспартных здарэннях адзін чалавек загінуў і сем атрымалі раненні. За кіраванне транспартным сродкам устане алкагольнага ап'янення затрыманыя 55 вадзіцеляў.
Дзяржаўтаінспекцыя нагадвае, што ў сувязі з павелічэннем колькасці ДТЗ на чыгуначных пераездах ДАІ сумесна з транспартнай міліцыяй праводзіць комплекс прафілактычных мерапрыемстваў, накіраваных на папярэджанне парушэнняў правілаў праезду чыгуначных пераездаў. Акцыя працягнецца да 26 лютага.
Навіны
па тэме
Экспарт
Новости партнеров
