Выбух у жылым доме пад Лагойскам (Фота)
27- 8.02.2012, 17:09
Супрацоўнікі МНС выратавалі з-пад завалаў чацвярых чалавек.
8 лютага ў 13:45 у МНС паступіла паведамленне аб бытавым выбуху ў будынку інтэрната ў в. Малінаўка Лагойскага раёна. Будынак трохпавярховы, трохпад'езны, панэльны.
У выніку выбуху адбылося абвальванне пліт перакрыцця 2-га пад'езда, разбураныя перагародкі, паведамляе сайт МНС.
З-пад завалаў супрацоўнікамі МНС выратаваныя чатыры чалавекі, праводзяцца працы па пошуку пацярпелых. На месцы працаўнікі МНС і медыкі аказалі дапамогу людзям, працуюць спецыялісты псіхалагічнай службы МНС.
Усяго ў лякарні дастаўленыя чатыры чалавекі. Прычына здарэння высвятляецца.