Павышаюцца межавыя рознічныя кошты на звадкаваны газ

У Беларусі з 8 красавіка павышаюцца на 5,6% межавыя рознічныя кошты на звадкаваны газ.

Гэтае рашэнне змяшчаецца ў пастанове Міністэрства эканомікі ад 28 сакавіка 2012 года № 21, якая размешчаная на сайце Нацыянальнага прававога інтэрнэт-партала, паведамляе БелТА.

Дадзены дакумент уносіць змены ў пастанову Мінэканомікі ад 4 красавіка 2011 года № 52 «Аб межавых максімальных адпускных коштах газаў звадкаваных».

Іншым дакументам Мінэканомікі - пастановай № 22 ад 28 сакавіка 2012 года - усталяваныя межавыя рознічныя кошты на звадкаваны газ для запраўкі аўтамабільнага транспарта пры рэалізацыі на аўтамабільных газазаправачных станцыях. Мінімальны кошт на звадкаваны газ павялічваецца з 8 красавіка на 4,3% да Br3600 за 1 л, максімальны - на 5,6% да Br3960 за 1 л. Гэты дакумент уносіць змены ў пастанову Міністэрства эканомікі ад 25 кастрычніка 2011 № 173.

Абедзве пастановы прынятыя ў адпаведнасці з указам ад 25 лютага 2011 года № 72 «Аб некаторых пытаннях рэгулявання коштаў (тарыфаў) у Рэспубліцы Беларусь».