Следчыя камітэты Беларусі і Расеі будуць супрацоўнічаць

Следчыя камітэты Беларусі і Расеі рыхтуюць да падпісання пагадненне аб супрацоўніцтве.

Пра гэта паведаміў журналістам у аўторак у Менску намеснік начальніка аддзела інфармацыі і сувязі з грамадскасцю Следчага камітэта Беларусі Ягор Лівай, перадае «Інтэрфакс».

«У цяперашні час вядзецца актыўная праца па распрацоўцы пагаднення аб супрацоўніцтве паміж Следчым камітэтам Беларусі і Следчым камітэтам Расеі. Дакументам будуць вызначаныя формы супрацоўніцтва», - паведаміў Лівай.

Паводле яго, праектам пагаднення, у прыватнасці, мяркуецца «замацаванне парадку абмену інфармацыяй, якая прадстаўляе ўзаемны інтарэс, аказанне садзейнічання пры правядзенні даследчых праверак, абмену статыстычнай інфармацыяй». Паводле яго, у дакуменце будзе вызначаная магчымасць накіравання на навучанне спецыялістаў у навуковыя навучальныя ўстановы дзвюх краін.

Лівай удакладніў, што на дадзены момант, «дакумент праходзіць стадыю канчатковага ўзгаднення. Плануецца, што ў хуткім часе яго падпішуць кіраўнікі Следчых камітэтаў Беларусі і Расеі».

Ён адзначыў, што «расейскі бок праяўляе зацікаўленасць не толькі ў арганізацыі сталага працэсу супрацоўніцтва з Следчым камітэтам Беларусі, але і з цікавасцю вывучае беларускую сістэму арганізацыі СК».

Следчы камітэт Беларусі быў створаны ў пачатку 2012 года.