Людзі ў масках арудуюць у цэнтры Менска (Фота)

Каля ГЦ «Сілуэт» па вуліцы Харужай каля шасці гадзін вечара дваіх хлопцаў людзі ў масках паклалі на асфальт.

Пра гэта TUT.BY паведаміў адзін з чытачоў партала.

Ён распавёў, што побач знаходзілася не менш чым пяць чалавек у чорных масках, але без формы, і яшчэ каля 10 чалавек у цывільным.

«Яшчэ бегала дзяўчына з пасведчаннем, не разгледзеў, праўда, якім, і шукала панятых для вобшуку хлопцаў».

Затрыманыя - маладыя хлопцы, напісаў ён. У «Твітэры» карыстальнікі @Артемка і @_proxer паведамілі, што падобны выпадак ужо меў месца ў гэтым месяцы прыкладна ў тым жа самым месцы.