Сямашка: Беларусь можа адмовіцца ад венесуэльскай нафты

Беларусі няма эканамічнай рацыі імпартаваць нафту з Венесуэлы.

Пра гэта паведаміў першы намеснік прэм'ер-міністра Уладзімір Сямашка, каментуючы інфармацыю, якая з'явілася ў некаторых СМІ, аб прыпыненні паставак венесуэльскай нафты ў Беларусь.

«У сённяшняй сітуацыі няма эканамічнай рацыі гэтую нафту імпартаваць», - сказаў ён.

Разам з тым, канчатковае рашэнне па гэтым пытанні яшчэ не прынятае. «Апошняе слова за Лукашэнкам», - падкрэсліў першы віцэ-прэм'ер.

Беларусь пачала імпартаваць венесуэльскую нафту ў 2010 годзе, перадае БелТА.