Ізгоі
42
12:00, — Палітыка
Кабякоў паскардзіўся, што ЕЗ і ЗША адмаўляюцца абмяркоўваць ўступленне Беларусі ў СГА.
Амбасадар Беларусі ў Расеі Андрэй Кабякоў заявіў, што адмова краін Еўразвяза і ЗША ад кантактаў з Беларуссю тармазіць перамоўны працэс па ўступленні рэспублікі ў СГА.
«Ёсць праблема з групай краін, якая не вядзе з намі двухбаковых перамоваў, прынцыпова ад гэтага адмаўляецца. Гэта краіны Еўразвяза і ЗША», - заявіў Кабякоў агенцтву «Інтэрфакс-Захад» у аўторак у Менску.
Ён заўважыў, што Беларусь вядзе перамовы па ўступленні ў СГА досыць доўгі час, і з 10-ю краінамі дамоўленасці ўжо дасягнутыя.
«Нічога асаблівага, ніякіх сваіх пазіцый мы ў гэтых перамовах не саступалі і не саступаем. Таму нашы перамовы і не ідуць досыць хутка», - заўважыў А.Кабякоў.
«Уступленне ў СГА любой цаной - гэта не наш лозунг», - падкрэсліў дыпламат.
А.Кабякоў таксама адзначыў, што ў мінулы панядзелак Канстытуцыйны суд Расеі прызнаў законным дагавор аб уступленні Расеі ў СГА. У сувязі з гэтым ён адзначыў, што такое рашэнне Канстытуцыйнага суда не стварае праблем для Беларусі, якая разлічвала на актыўную падтрымку Расеі як члена гэтай арганізацыі па вядзенню ўласных перамоваў.
Напісаць каментар (42)
Навіны
па тэме
- МЗС: 80% росту беларускага экспарту склаў продаж нафтапрадуктаў
- Мядзведзеў прыедзе ў Менск на наступным тыдні
- Операция «Принуждение» началась
Экспарт
Новости партнеров
