Колькасць забароненых сайтаў у Беларусі падвоілася
16
13:51, — Hi-tech
У спіс абмежаванага доступу, які фарміруецца ў Беларусі, унесена каля 80 інтэрнэт-рэсурсаў.
Даведацца аб усім спісе па-ранейшаму немагчыма.
Як паведамляе БелТА, лік інтэрнэт-рэсурсаў у спісе абмежаванага доступу падвоіўся за апошнія дзевяць месяцаў. У цяперашні час у ім нібы ўтрымліваюцца інтэрнэт-рэсурсы экстрэмісцкага і парнаграфічнага зместу. На самой справе, у спісе пераважаюць апазіцыйныя сайты, сярод якіх і charter97.org.
Доступ да іх закрыты на абавязковай аснове ў дзяржаўных органах, установах адукацыі і культуры. Для звычайнага карыстальніка інтэрнэт-фільтраванне можа ажыццяўляцца толькі па яго ўласнай просьбе.
Пастаўшчыкі інтэрнэт-паслуг у Беларусі забяспечваюць аказанне паслуг па абмежаванні доступу на падставе двух спісаў - спісу, сфарміраванага РУП «БелДІЭ», і спісу, сфарміраванага кожным пастаўшчыком інтэрнэт-паслуг самастойна.
Спіс абмежаванага доступу фарміруецца РУП «БелДІЭ» на падставе рашэнняў кіраўнікоў Камітэта дзяржаўнага кантролю, Генеральнай пракуратуры, ААЦ, іншых рэспубліканскіх органаў дзяржкіравання. Рашэнні прымаюцца кіраўнікамі ўпаўнаважаных дзяржаўных органаў у межах іх кампетэнцыі.
У студзені 2012 года ў Беларусі ўступіў у сілу закон «Аб унясенні дапаўненняў у Кодэкс Рэспублікі Беларусь аб адміністрацыйных правапарушэннях і Працэсуальна-выканаўчы кодэкс Рэспублікі Беларусь аб адміністрацыйных правапарушэннях». Да ўсяго іншага дапаўненні прадугледжваюць адказнасць інтэрнэт-правайдэраў за парушэнне патрабаванняў па абмежаванні доступу карыстальнікаў да інфармацыі, забароненай у адпаведнасці з заканадаўствам.
Напісаць каментар (16)
Навіны
па тэме
Экспарт
Новости партнеров
