Прэсу не пусцілі на сустрэчу «палатачнікаў» з БДІПЧ АБСЕ

Сустрэча беларускіх «парламентарыяў» з прадстаўнікамі місіі БДІПЧ АБСЕ праходзіць у закрытым рэжыме.

Беларускі бок гатовы прыкласці ўсе намаганні для таго, каб прызначаныя на верасень «парламенцкія выбары» прайшлі ў рамках нацыянальнага заканадаўства і ў адпаведнасці з міжнароднымі стандартамі, заявіў старшыня камісіі па дзяржбудаўніцтву, мясцоваму самакіраванню і рэгламенту «палаты прадстаўнікоў» Васіль Байкоў.

«Парламентарый» заўважыў, што назіральнікі ад БДІПЧ АБСЕ аднымі з першых атрымалі запрашэнне ад Беларусі прыняць удзел у назіранні за ходам «выбараў», піша «Інтэрфакс».

У сваю чаргу, старэйшы саветнік па выбарах БДІПЧ АБСЕ Армін Рабіч заўважыў, што дадзеная сустрэча з'яўляецца неафіцыйнай і працоўнай, ён выказаў пажаданне, каб яна прайшла ў закрытым фармаце, без удзелу прадстаўнікоў СМІ.