Шведскі пілот: Можа яшчэ арыштуюць бармэна, які прадаў нам піва ў Менску?
77
11:49, — Палітыка
Томас Мазэцці пракаментаваў сайту charter97.org рэакцыю беларускіх спецслужбаў на яго палёт у Беларусь.
Супрацоўнік шведскай Studio Total Томас Мазэцці, які разам са сваёй калегай Ханнай Лінай Фрэй кіраваў самалётам падчас палёту над Беларуссю, заявіў, што мэтай дзёрзкай акцыі была «падтрымка незалежных беларускіх СМІ, у тым ліку сайта charter97.org - самага значнага і буйнога незалежнага навінавага сайта Беларусі».
Каментуючы арышты ў Менску журналіста Антона Сурапіна, які размясціў у сеціве фатаграфіі палётаў шведскіх пілотаў над Беларуссю, і Сяргея Башарымава, які здаў ім жыллё, Томас Мазэцці заявіў:
«Нават не ведаю, што сказаць пра арышты. Жудасна і дзіка. Не зразумела, на што разлічваюць улады. Сяргей Башарымаў не здаваў нам сваю кватэру, а аддаў ключ ад кватэры, у якой мы потым жылі. З такім жа эфектам можна цяпер арыштаваць бармэна, які прадаў нам піва ў Менску».
Дзеянні беларускіх спецслужбаў, на думку Мазэцці, толькі пацвярджаюць, што шведскі самалёт усё ж такі перасёк незаўважаным беларускую паветраную прастору, хоць Мінабароны працягвае запэўніваць, што ніякага палёту не было.
«Мы бачым міжведамасную барацьбу. З аднаго боку, спецслужбы ўскосна прызнаюць факт парушэння мяжы, арыштоўваючы людзей. З іншага боку, камандуючы СПА, Мінабароны і сам Лукашэнка не прызнаюць, паколькі гэта будзе азначаць, што іх сістэма не працуе, а гэта сорамна», - лічыць швед.
Напісаць каментар (77)
Навіны
па тэме
Экспарт
Новости партнеров
