Цэментавыя прадпрыемствы аб'яднаюць у холдынг

Улады спадзяюцца, што гэта стане дадатковым стымулам для прыцягнення ў краіну замежных інвестараў.

Міністр архітэктуры і будаўніцтва, Анатоль Нічкасаў лічыць, што механізм функцыянавання цэментных заводаў, інтэграваных у адзінае ўтварэнне, здольны ў найбольшай ступені рэалізаваць вытворчы патэнцыял айчыннай прамысловасці будаўнічых матэрыялаў, піша «Ежедневник».

- Дэвальвацыя нацыянальнай валюты, значны рост кошту паліўна-энэргетычных рэсурсаў, неабходнасць вяртання крэдытных рэсурсаў выклікае аб'ектыўную неабходнасць трансфармацыі механізмаў узаемадзеяння айчынных цэментных заводаў з навакольным асяроддзем, - заявіў міністр на пасяджэнні калегіі 18 ліпеня. - Адным з магчымых напрамкаў такой перабудовы з'яўляецца стварэнне холдынгавай структуры як новай формы кіравання дзейнасцю прадпрыемстваў.

Таксама гэта дасць магчымасць зняць праблемы, якія абмяжоўваюць магчымасці асобных прадпрыемстваў, і атрымаць вялікія інвестыцыйныя і фінансавыя рычагі ў рамках зноў створаных аб'ядноўваючых структур.

- Стварэнне холдынгаў дасць магчымасць атрымліваць эканамічныя перавагі, галоўныя з якіх - капіталізацыя прыбытку і актываў, зніжэнне падатковай нагрузкі. Сярод плюсаў стварэння холдынгаў - магчымасць эфектыўна выкарыстоўваць маёмасць і фінансы, што дазволіць удзельнікам накіраваць атрыманы прыбытак на інвестыцыйныя мэты, пошук новых рынкаў збыту, - лічыць міністр.

Акрамя таго, Анатоль Нічкасаў лічыць, што аб'яднанне арганізацый і прадпрыемстваў у холдынгі стане дадатковым стымулам для прыцягнення ў краіну замежных інвестараў.

- Холдынгі павінны стаць асновай сістэмы інвеставання ў будаўнічую галіну і ў эканоміку рэспублікі ў цэлым, - падкрэсліў ён.