Дрэваапрацоўка атрымае дэвальвацыйную крэдытную кампенсацыю

Базавым дрэваапрацоўчым арганізацыям прадастаўлена дадатковае крэдытаванне.

Лукашэнкам 23 ліпеня 2012 г. падпісаны Указ № 324 «Аб унясенні змяненняў і дапаўненняў ва Указ ад 18 кастрычніка 2007 г. № 529», асноўнай мэтай якога з'яўляецца прадастаўленне дадатковага крэдытавання базавым дрэваапрацоўчым арганізацыям канцэрна «Беллеспаперапрам» на агульную суму 110,1 млн. еўра.

«Павелічэнне сум крэдытавання абгрунтавана, у першую чаргу, праведзенай у 2011 годзе дэвальвацыяй беларускага рубля, якая прывяла да частковага абясцэньвання раней выдзеленых банкамі грашовых сродкаў, што накіроўваюцца на рэалізацыю важнейшых інвестыцыйных праектаў у галіне дрэваапрацоўкі; павелічэннем ў 2012 годзе разліковага і каштарыснага кошту праектных і будаўніча-мантажных работ, а таксама інвестыцыйных затрат па набыванаму замежнаму тэхналагічнаму абсталяванню», - гаворыцца ў прэс-рэлізе Мінэканомікі РБ.

Наадварот дадатковае крэдытнае фінансаванне накіравана на паспяховае завяршэнне інвестыцыйных праектаў, большасць з якіх знаходзіцца ў актыўнай стадыі будаўніцтва.

У выніку ўводу ў эксплуатацыю новых заводаў і вытворчасцяў у 2012 - 2014 гадах будзе цалкам замешчаны імпарт драўнянастружкавых і драўнянавалакністых ламініраваных пліт (у 2011 годзе імпарт па дадзеных таварных пазіцыях склаў 147 млн. даляраў ЗША), а таксама забяспечана пастаўка на экспарт больш за 50 адсоткаў выпуску гэтай прадукцыі.

У канчатковым выніку плануецца кардынальнае змяненне фінансава-эканамічнай сітуацыі ў арганізацыях канцэрна «Беллеспаперапрам».