Выйшла на волю Кася Галіцкая

Яе арыштавалі прама ў судзе за назіранне над судовымі працэсамі.

Грамадскую актывістку Кацярыну Галіцкую затрымалі 17 ліпеня, піша «Наша Ніва».

Кася ў гэты дзень прыехала ў суд Кастрычніцкага раёна Менска, каб назіраць за працэсамі над затрыманымі актывістамі Уладзімірам Яроменкам і Раманам Васільевым.

Прыкладна праз гадзіну яна адтуль знікла. Яе тэлефон не адказваў, дзе яна знаходзілася, было невядома.

Пазней высветлілася, што Галіцкая была дастаўлена ва УУС Маскоўскага раёна Менска, дзе на яе склалі адміністрацыйны пратакол за дробнае хуліганства. На наступны дзень суд прысудзіў яе да 10 сутак арышту ў турме на Акрэсціна.