«Прыёрбанк» паведаміў аб змене ўласніка

Банк паведаміў аб тэхнічнай змене свайго галоўнага акцыянера.

Як вынікае з паведамленняў на сайце банка і БВФБ ў ліпені Raiffeisen Bank International AG перадаў 87,74% акцый сваёй даччынай кампаніі Raiffeisen CIS Region Holding GmbH.

Аналагічная тэхнічная змена ўласніка была зафіксаваная і ў іншых даччыных банках Raiffeisen у краінах СНД, перадае АФН.

Акрамя аўстрыйскага банка, саўладальнікамі Прыёрбанка з'яўляюцца РУП «Беларуснафта» (2,04% акцый), Дзяржкаммаёмасць РБ (1,97%), ААТ «МАЗ» (1,28%), іншыя юрыдычныя (2,02%) і фізічныя (4,69%) асобы, мясцовыя дзяржаўныя органы і фонды (0,26%).