«Коммерсант»: Асад можа схавацца ў Беларусі
113
9:31, — Палітыка
Лукашэнка чакае яго.
У апублікаваным 3 ліпеня інтэрв’ю турэцкай газеце Cumhuriyet намінальны прэзідэнт Сірыі Башар Асад упершыню ясна заявіў, што гатовы сысці, калі пераканаецца, што гэты крок прывядзе да ўрэгулявання ўзброенага канфлікту з апазіцыяй, адзначае расейскае выданне «Коммерсантъ».
Як піша газета, Масква можа ўгаварыць Менск даць прытулак Асаду у выпадку яго сыходу з паста. Такое меркаванне ў інтэрв’ю выказаў старэйшы навуковы супрацоўнік Цэнтра міжнароднай бяспекі Інстытута сусветнай эканомікі і міжнародных адносін Расейскай акадэміі навук Уладзімір Сотнікаў.
Пра тое, што заходнія краіны і перадусім ЗША чыняць актыўныя спробы пераканаць Маскву забраць да сябе сірыйскага лідэра і даць яму палітычнае сховішча, «Коммерсанту» паведаміла «інфармаваная крыніца»у расійскіх дыпламатычных колах. Паводле яго словаў, гэты факт цалкам дэзавуюе распаўсюджанную ў апошні час у заходніх СМІ інфармацыю пра тое, што Расея вырашыла даць Башару Асаду палітычнае сховішча і што ён ужо ці ледзь не ўсе свае накапленні перавёў у РФ. «У нас планаў забіраць Асада не было і няма», - сказаў суразмоўца.
«Масква можа даць Асаду палітычнае сховішча, калі зразумее, што Захад не гатовы даць сірыйскаму лідэру і яго сям’і гарантыі бяспекі», - заявіў Уладзімір Сотнікаў. Ён не выключае, што Масква «правядзе перамовы з Беларуссю і, каб лішні раз не раздражняць грамадскую думку на Захадзе, угаворыць Менск даць прытулак Асаду – Лукашэнка да гэтага цалкам гатовы».
У красавіку 2010 года сховішча ў Беларусі па прапанове Лукашэнкі атрымаў скінуты прэзідэнт Кыргызстана Курманбек Бакіеў. У жніўні-верасні 2011 года распаўсюджвалася інфармацыя, што Беларусь у якасці сховішча абраў лівійскі лідэр Муамар Кадафі, аднак яна не атрымала афіцыйнага пацверджання, а сам дыктатар быў забіты ў сябе на радзіме.
Напісаць каментар (113)
Навіны
па тэме
- Верховный комиссар ООН требует не снабжать Сирию оружием
- МУС хавае статус Бакіева
- Роман Яковлевский: Сирия проявляет особый интерес к продукции МЗКТ
- Генпракурор Кыргызстана: Лукашэнка не выдасць Бакіева
- Сбежавший брат Бакиева может появиться в Беларуси
Экспарт
Новости партнеров
